Pune Water Crisis | पुणे (Pune) शहरातील नागरिकांसमोर पाणीटंचाईचे गंभीर संकट उभे राहण्याची चिन्हे दिसू लागली आहेत. मान्सूनच्या आगमनाला झालेला विलंब, संभाव्य कमी पाऊस आणि धरणांतील घटता जलसाठा यामुळे प्रशासनाची चिंता वाढली आहे. या पार्श्वभूमीवर पुणे महानगरपालिका (Pune Municipal Corporation) शहरात एक दिवसाआड पाणीपुरवठा करण्याच्या प्रस्तावावर विचार करत असल्याची माहिती समोर आली आहे.
 |
| पुणेकरांनो पाणी जपून वापरा (Pune Water Crisis) |
एकूण क्षमतेच्या 20 टक्क्यांपेक्षाही कमी
पुणे शहराला पाणीपुरवठा करणाऱ्या खडकवासला, पानशेत, वरसगाव आणि टेमघर या धरणांमधील उपलब्ध पाण्याचे प्रमाण झपाट्याने कमी होत आहे. गुरुवारी या चार धरणांतील एकत्रित जलसाठा केवळ 5.5 अब्ज घनफुटांपर्यंत खाली आला असून तो एकूण क्षमतेच्या 20 टक्क्यांपेक्षाही कमी असल्याचे समोर आले आहे. त्यामुळे पुढील काही महिने पाणीपुरवठा सुरळीत ठेवणे हे प्रशासनासमोर मोठे आव्हान बनले आहे.
भारतीय हवामान विभागाने (IMD) यंदा सरासरीच्या सुमारे 90 टक्के पावसाचा अंदाज वर्तवला आहे. त्यामुळे परिस्थिती अधिक गंभीर होण्याची शक्यता वर्तवली जात आहे. उपलब्ध पाणीसाठा 31 ऑगस्टपर्यंत पुरेल अशा पद्धतीने नियोजन करण्याची गरज निर्माण झाली आहे. याच दरम्यान जलसंपदा विभागाने पुणे आणि पिंपरी-चिंचवड (Pimpri-Chinchwad) महापालिकांना 15 टक्के पाणीकपात करण्याबाबत नोटीसही बजावली आहे.
Pune Water Crisis | एक दिवसाआड पाणीपुरवठा लागू करण्याचा प्रस्ताव